文章分類: 寫我心情~日記 (選擇流浪的流浪貓)

生與死

siumeiangel — Sun, 21 May 2006 17:13:20 +0800

很多人都看不到生命最美好的一面

那時, 活著和死亡就很接近

by電影"福伯"

(閱讀全文)

憶...

siumeiangel — Thu, 09 Mar 2006 17:36:39 +0800

造夢夢見初戀情人

那時的青蔥歲月

原以為早已忘記

如今夢見他時

卻似遠還近

內心有一點點的悸動

不過畢竟只是一場夢罷了

有人說......

在夢中看見的人

是因為對方的思念

超越了空間來到夢中

那就是說夢見一個人代表著

對方思念著你

是你偶爾想起我嗎?

許多年不見了

不知道你現在過得好不好

但願你快樂

24/2/06

世界上總有我們不理解的事情

siumeiangel — Tue, 10 Jan 2006 12:30:15 +0800

沒錯呀~ 你可能很有實力, 很強, 但人總會有軟弱的時候, 總有些事情不是你想就能做到, 所以在我面前沒有必要去逞強, 放下自己並不是示弱, 如果在我面前你都不能放鬆自己, 每每要做到最好, 這並不是你的責任, 只怪我沒有這個能耐令你得到放鬆...... 好討厭~ 好討厭自以為是的自己, 人總是用自己認為對的方法去待人, 但有時候並不奏效, 到後來才發現自己做著一些多餘的事, 那種感覺很不好受, 就像個小丑似的...... 說著笑話做著把戲, 但看的人根本不欣賞, 做什麼也是枉然......

夢 + 活了一百萬次的貓

siumeiangel — Mon, 31 Oct 2005 19:12:54 +0800

上集-一個夢

又發夢… 夢見你番黎搵我. 同我講話一直係度等我…一直無放棄過我… 你話離開我依段時間努力做野都係為左比一樣野我… 之後你攞左一條鎖匙出黎交比我, 叫我返黎你既身邊同你一齊生活, 係夢入面我覺得好意外… 收左你比我既鎖匙, 之後一直係度諗身邊果個, 諗你……. 諗自己真正追尋既究竟係咩野……………我諗……我一直追尋既可能就係手握鎖匙果種安穩

下集-活了一百萬次的貓

有一隻活了一百萬次的貓，它死了一百萬次，也活了一百萬次。但貓卻不喜歡任何人。
 

　　有一次，貓是國王的貓，國王很喜歡貓，做了一個美麗的籃子，把貓放在裡面。每
次國王要打杖都把貓帶在身邊。不過貓很不快樂，有一次在打杖時，貓被箭打死了，國
王抱著貓，哭得好傷心、好傷心，但是貓沒有哭，貓不喜歡國王。 

　　有一次，貓是漁夫的貓，漁夫很喜歡貓，每次漁夫出海補魚，都會帶著貓，不過貓
很不快樂。有一次在打漁時，貓掉進海裡，漁夫趕緊拿網子把貓撈起來，不過貓已經死
了。漁夫抱著牠哭得好傷心、好傷心，但是貓並沒有哭，貓不喜歡漁夫。 

　　有一次，貓是馬戲團的貓。馬戲團的魔術師喜歡表演一樣魔術，就是把貓放在箱子
裡，把箱子和貓一起切開，然後再把箱子合起來，而貓又變回一隻活蹦亂跳的貓，不過
貓很不快樂，有一次魔術師在表演這一個魔術時，不小心將貓真的切成了兩半，貓死了
。魔術師抱著切成了兩半的貓，哭得好傷心、好傷心，不過貓並沒有哭，貓不喜歡馬戲
團。 

　　有一次，貓是老婆婆的貓，貓很不快樂，因為老婆婆喜歡靜靜的抱著貓，坐在窗前
看著行人來來往往，就這樣過了一天又一天、一年又一年。有一天，貓在老婆婆的懷裡
一動也不動，貓又死了，老婆婆抱著貓哭得好傷心、好傷心，但是貓並沒有哭，貓不喜
歡老婆婆。 

　　有一次，貓不是任何人的貓，貓是一隻野貓，貓很快樂，每天貓有吃不完的魚，每
天都有母貓送魚來給牠吃。牠的身旁總是圍了一群美麗的母貓，不過貓並不喜歡牠們。
貓每次都是驕傲的說：「我可是一隻活過一百萬次的貓喔！」 

　　有一天，貓遇到了一隻白貓，白貓看都不看貓一眼，貓很生氣的走到白貓面前對白
貓說：「我可是一隻活過一百萬次的貓喔！」白貓只是輕輕的「哼！」了一聲，就把頭
轉開了。之後，貓每次遇到白貓，都會故意走到白貓面前說：「我可是一隻活過一百萬
次的貓喔！」而白貓每次也都只是輕輕的「哼！」了一聲，就把頭轉開。 

　　貓變得很不快樂，一天，貓又遇到白貓，剛開始，貓在白貓身邊獨自玩耍，後來漸
漸的走到白貓身邊，輕輕的問了一句話：「我們在一起好嗎？」而白貓也輕輕的點了點
頭「嗯！」了一聲，貓好高興、好高興，牠們每天都在一起，白貓生了好多小貓，貓很
用心的照顧小貓們，小貓長大了，一個個離開了，貓很驕傲，因為貓知道：小貓們是一
隻活過一百萬次的貓的小孩！ 

　　白貓老了，貓很細心的照顧著白貓，每天貓都抱著白貓說故事給白貓聽，直到睡著
。一天，白貓在貓的懷裡一動也不動了，白貓死了。貓抱著白貓哭了，貓一直哭、一直
哭、一直哭，直到有一天，貓不哭了，貓再也不動了，貓和白貓一起死了，貓也沒有再
活過來。 

　　沒有情感的活了一百萬次，並不如有愛的活了一輩子；無法體會生命的活了一百萬
次，更是不如用生命付出愛的一輩子。在每個人的生命裡，或多或少都會有一些讓人深
刻體驗的事情，讓人慶幸此時此刻活在這世界上，讓人很清楚的了解活著的美好。 
我
想有了這些，或許你覺得此生你已經足夠了，錯了！生命中還有更深刻的體驗等著你－
－那就是付出你的愛－－若你覺得沒有，我想那可能是你還沒遇到讓你不可思議的白貓
而已。 

　　如果你夠幸運的話，在你一生當中，你會碰到幾個握有可以打開你內心倉庫的鑰匙
。但很多人終其一生，內心的倉庫卻始終未曾被開啟。其實很多人都不知道，鑰匙就在
自己手上。貓雖然活了一百萬次，卻從沒有真正的活過，貓一直被人捧在手掌心中，一
直被人疼愛著，但他確一點都不開心，直到他開始去愛，開始去體驗人生，有了家庭、
有了愛人、有了小孩，開始付出他的愛。心中有了牽掛，即使是負荷，卻是最甜蜜的負
荷，終於能甘心的過完的 一生，安詳的死去。

P.S. 原來這才是鎖匙的真正意思

能力 vs 選擇

siumeiangel — Sun, 09 Oct 2005 12:14:06 +0800

發生左一d事係我始料不及既, 但其實又有可能……..係……….我一早已經有預感~!? 無諗過會真係發生……………..

尋日放左工就即刻返屋企屎落床訓, 因為太攰, 所以無去諗d無謂野, 直到尋晚再訓既時候, 一合埋眼, 個腦就不停咁轉, 轉呀轉~ 都無休息過, 成晚都訓得唔好, 思索左好多問題, 覺得好多野都好唔真實, 好似一場夢咁, 果種感覺好陌生, 陌生到有d怕, 差唔多天光既時候發左一個夢, 依個夢正正反映左我果種怕, 明明對自己講唔好諗唔好諗, 唔係就一定會發惡夢, 如果………真係咁……..

今朝同媽咪食早餐, 媽咪突然間同我講, 想我去做地產, 我一口拒絕, 唔係我無能力去做, 只係我唔鍾意, 我覺得依行唔係太適合我, 我唔想花時間係一d無意義既野上面, 同媽咪講講下又講番以前, 媽咪話: [你果時嫁左比阿昌咪好囉~] 我好失望, 覺得媽咪今時今日都仲唔明白我, 我知道站係一個母親既立場, 佢覺得咁樣既我先至係最幸福, 但係………..依個係我既選擇, 你問我有無後悔過? 我有~ 咁又點, 都過左去, 當時既我真係唔再愛依個人, 我依家後悔既, 緬懷既只係我同佢曾經有過既美好…………………….就只係咁…………………..

尋晚睇哈利波特, 睇到最後既時候鄧不利多同哈利講, 唔好比力量主宰你既人生, 哈利同佛地魔同樣擁有強大既力量, 佢地有好多相似既地方, 但唯一唔同之處在於哈利懂得選擇………………

不誠實的眼睛

siumeiangel — Sun, 18 Sep 2005 13:49:21 +0800

小時候總是很喜歡目不轉睛地看著自己所愛的人, 喜歡看他的表情, 喜歡看他眼睛望向的地方, 每當他發現時, 眼睛就即刻躲起來, 跟眼睛玩捉迷藏, 深怕他發現自己的心意, 到了年紀大一點, 眼睛學懂了不去躲藏, 希望心意能夠由眼睛傳到眼睛, 至於對別人的眼睛, 那時的我總是能夠坦率地回應, 有時候嗤之以鼻, 有時候在心中沾沾自喜, 我想…眼睛就是我最誠實的寫照, 但是不知從那時開始, 我那雙自信的眼睛不見了, 自始以後, 我跟盲了沒兩樣, 在人生的地下鐵裡原地踏步, 連去摸索的勇氣也沒有, 失去了眼睛, 失去了光, 從沒有這麼黑暗過, 黑暗令我什麼都看不見……

黑暗漸漸過去了, 眼睛慢慢地好起來, 但眼睛開始對我撒謊了, 眼睛總是盡量避免望向別人, 面對別人的眼睛, 除了逃避還是逃避, 坦率不起來, 現在的我就只剩下這雙不誠實的眼睛……

今年要做的事

siumeiangel — Sun, 11 Sep 2005 19:30:08 +0800

睇番之前既日記, 發現自己原來係1月既時候寫過今年要做的事:

1) 攞番個牌 <-------------------黎緊依個星期會做
2) 攞番張cert. <----------------5月時已做
3) 學電單車
4) 返學

四樣野入面, 到目前為止只係做左一樣.............

好失敗.................

咁簡單既野點解要拖拖拉拉咁耐都唔去做呢?

可能係失戀既同時, 停落黎既唔只得心跳...................

仲有我既腳步, 我既生活, 我既時間....................

一切變得原地踏步

不過我知道我依家再啟動都唔算遲丫

可能步伐會比之前慢好多

但係只要我肯去做

我一定得!

今日比我睇番依篇日記

就係要提醒我自己做好依四件事

由零出發, 重新開始!

發夢 & 加人工

siumeiangel — Thu, 08 Sep 2005 12:47:31 +0800

1) 發夢

尋晚發夢夢見以前男朋友, 佢竟然要求同我復合~!?

我又竟然一口應承~!? 近期唔知發左咩野癲

一次又一次夢到佢, 好邪呀~~~~~~

可能我真係好留戀以前果D幸福既日子.....................

2) 加人工

今朝接到秘書姐姐既電話, 叫我過去搵佢

心諗......唔通我搞左咩野大頭佛出黎~!?

哦~ 原來唔係, 係我就黎過試用期通知我加左我人工呀

Yeah~ 好野~ 好開心呀~ 第一次感覺到加人工既感動~

反省

siumeiangel — Sat, 13 Aug 2005 19:33:33 +0800

過左成個星期, 到左今日先至睇到D小姐既日記, 原來我發脾氣既同時, 無意傷害左我既朋友, 我真係無心架, 對唔住呀~ 我完全唔記得當晚自己講過D乜野, 直至今日睇到D小姐既日記, 先至發現自己搞到佢咁唔開心, 係度希望佢原諒我喇, 其實我都唔知點解自己會lost control, 好憎自己咁樣, 自己唔開心就好喇, 何必搞到人地都唔開心wow, 好討厭~ 好討厭咁樣既自己, 依家只係希望得到D小姐既諒解, 唔好將依件事擺係心入面, 因為我唔想我地之間會有芥蒂.

黑椒雞脾

siumeiangel — Mon, 08 Aug 2005 00:10:43 +0800

幾個星期都無去沙灘, 上個星期日又撞岩落雨, 所以一直延遲到今日, 其實依幾日好moody, 尋晚都有少少縮沙唔想去, 但係去海狗公園已經放左人飛機, 亦都唔想白白咁浪費左一日假期, 所以"的"起心肝決定同奇椒&傻婆去石澳曬太陽, 係! 無錯, 真係剩係曬太陽, 因為由11:00a.m.開始直至7:30p.m.離開果時我地都無落過水, 全日喪曬, 好feel, 今次我真係曬黑左好多呀, 不過我要繼續努力, 下個星期日要再曬過, 做一隻真正既黑椒雞脾~ 哈哈~~~~~

發洩過後

siumeiangel — Sun, 07 Aug 2005 00:11:06 +0800

好耐都無試過咁樣大喊特喊......

好似要將所有既情緒都發洩哂出黎一樣

有時真係好羨慕身邊既朋友可以咁善忘

點解我成日都咁清醒

點解我唔可以好似佢地一樣咁發脾氣

可能我好清楚咁知道

我依家身邊無一個人take care自己

所以我唯有.......................

抑壓...................

自我保護..................

唔比自己亂咁黎

結果我搵唔番我自己

真正愛錫妳的男孩

siumeiangel — Fri, 29 Jul 2005 13:16:17 +0800

1 真正愛錫妳的男孩
　是你最需要她時候 , 常裝著莫不關心,
　但卻會暗地裹send MSM問你沒事嗎?

2 真正愛錫妳的男孩
　經常想致電給妳 , 卻怕自己太煩擾 ,
　要你開口才會打給妳

3 真正愛錫妳的男孩
　因為知妳時常夜歸..因掛念和擔心妳, 難以安眠

4 真正愛錫妳的男孩
　在妳面前常亳不在意 ,
　其實他很清楚妳的心意 ..

5 真正愛錫妳的男孩
　只要妳對他說"我很想你..",
　他就會甜在心裡 ..=^_^=
6 真正愛錫妳的男孩　
　雖然相隔 , 但他會無時無刻在想妳
7 真正愛錫妳的男孩　
　在妳面前常亳不在意妳說過的話..
　但其實把妳說過的話一早放在心裡....

8 真正愛錫妳的男孩　
　無論妳對他粗心或大意, 他也不會怪妳的粗心或大意..^_^

9 真正愛錫妳的男孩　
　每次知妳回憶一些往事而傷心 ,
　也會想在妳身旁陪著妳..

10 真正愛錫妳的男孩　
　想告訴妳知他的心意 ,
　但是卻步, 因為怕失去妳

11 真正愛錫妳的男孩　
　無論妳做的事錯還是對　
　他也會企在妳這邊

12 真正愛錫妳的男孩　
　跟妳聊天的時候總會把說話講得亂成一團 ,
　是因為他的舌頭在自己深愛的人面前
　打了很多很多的結 ...

13 真正愛錫妳的男孩　
　是妳告訴他關於以前男朋友的事,
　他不但會很有耐性聽妳的故事
　而且還會做一個很好的伶聽者

14 真正愛錫妳的男孩　
　無論是被妳傷害或怪責
　也不會怪妳或生妳的氣

15 真正愛錫妳的男孩　
　即使倆不能在一起..
　也希望妳能找到一個
　真正可以令妳得到幸福的人...

第一次sina blog日記

siumeiangel — Mon, 25 Jul 2005 00:29:16 +0800

第一次係SinaBlog寫日記, 記得第一次寫網上日記係03年10月既事, 因為某d人某d事, 日記搬完一次又一次, 到左依家幾條link加加埋埋都有成400幾篇日記, 雖然寫左咁多篇, 但係有時候會覺得入面寫既都唔係最真實既自己, 所以好希望係依度可以搵到一個地方顯露最真既一面出黎, 好好咁面對自己

22~7

4條 Queen去左睇荒失失奇兵~

4條Queen = 4隻企鵝~ hahahahahaaaaaaaa

23~7

一早起身見到Danny個sms, 唔知覺得好嬲到好笑, 算喇~ 唔同佢計較, send番sms比佢, 話佢知我之前一晚唔係去左飲野, 係去左睇戲, 原來佢有飛諗住同我去睇, 點知上個星期病左, 所以…………………天意~ 鬼叫佢唔一早約我呀~ TOO LATE~放左工之後出左旺角, 約左椒椒, 阿藍high tea, 不過阿藍要OT要晏少少先到, 先同椒椒食lunch, 後黎Alice都出左黎, 3條Queen係咁shopping~ 勁洗錢~ 3:45上左第六感high tea, 等到成5:30阿藍先蒲頭, 仲以為佢放飛機tim~ 好在佢趕得切玩塔羅啫~ 問咩野~!? 仲洗講既~ 梗係感情喇~ 但係不約而同幾個女仔d牌同comment都差唔多, 都係要做主動, 我心諗係咪個師父”坤”我地d女仔做主動架~ 你地d男人咪好著數~ 不過我今次d牌全部都係positive, 總算係有d安慰, 希望真係開花結果喇~ 玩完塔羅~ 本來諗住去科學館行下, 不過尋日無乜mood, 最後都係唔去, 商量左一陣之後, 決定去TST shopping, 之後去Rick’s食飯, 10:00再去書展~ 女人一shopping就顛哂, 好在洗最多錢果個唔係我啫~ 8:00左右走去食飯, 點知Rick’s 無開, 唔通真係摺左~ 唔好呀~ 我好想食佢既凍螺同羊扒呀~ Rick’s無開門唯有去第二樹食飯, 去左厚福街食 “橫綱拉麵” 都幾好食, 9:15行去碼頭搭船過灣仔會展行免費書展, 排左唔係好耐就入到去, 一入去就狂掃書, 買左5本”幾米”, “天使與魔鬼”, 同 “我在天堂裡遇見的5個人”, 但係就唔開心囉, 因為本“天使與魔鬼”好殘呀~但係得番一本所以殘殘地都照買囉, 人地最鍾意d書新淨架ma, 點知買完之後行過Hall 2竟然有一檔有得賣仲要有六折, oh~ shit~~~~~~~~~~~ 仲唔只咁tim, 連另外一本都有得賣, 兩本加埋個different差左成18蚊呀~ 跟住仲發覺好多檔都有九折, 好唔抵呀~ 買貴左~ 唔制呀~ 唔知係咪黑開有條路~ 回程時候搭地鐵諗住去到kwai hing再搭taxi返屋企, 去到金鐘站無即時轉荃灣線, 諗住去到中環先轉可以有位坐, 點知原來金鐘荃灣線架車已經係尾班車, 所以唯有係中環出閘搭小巴落旺角再轉小巴返屋企, 返到去果時已經係2:00~

24~7

因為尋晚太攰, 所以今日無去游水, 決定係屋企執房, 同埋睇下我係咪重複買多左本 “幾米” 發覺原來真係有兩本 “幾米”之前已經買左, 又side錢tim~ 禍不單行~